जीवन र मृत्युको लडाइँमा कुमार राई

एक जीवन बचाऔं – सहयोगको करुण अपिल

SOUTH KOREA 16APRL
धनकुटा जिल्लाको दुर्गम क्षेत्र छिन्ताङका ४८ वर्षीय कुमार राई यतिबेला जीवन र मृत्युको कठिन संघर्षमा छन्। आन्द्रा र लिभर क्यान्सर जस्तो जटिल रोगले थला पारेपछि उहाँको जीवन एकाएक अन्धकारतर्फ धकेलिएको छ।

वर्षौँदेखि परिवारको भविष्य उज्यालो बनाउन मलेसियामा पसिना बगाउँदै आउनुभएका कुमार राई, घर बिदामा फर्किँदा मात्रै आफ्नो स्वास्थ्यबारे गम्भीर सत्यसँग सामना गर्नुपर्‍यो—उहाँलाई क्यान्सर भएको खबर। त्यो खबरले केवल उहाँलाई मात्र होइन, उहाँको सम्पूर्ण परिवारलाई स्तब्ध बनायो।

अहिले उहाँ भारतस्थित राजीव गान्धी क्यान्सर अस्पतालमा उपचाररत हुनुहुन्छ। चिकित्सकका अनुसार उपचार लामो समयसम्म चल्ने र अत्यन्त महँगो पर्ने भएकाले परिवार आर्थिक रूपमा पूर्ण रूपमा थकित भइसकेको छ। दैनिक अस्पताल खर्च, औषधि, परीक्षण र बसोबासको व्यवस्थापन गर्न समेत गाह्रो भइरहेको छ।

घरमा आशाको एक मात्र आधार बनेका कुमार राई आज अरूको सहयोगको अपेक्षामा हुनुहुन्छ। परिवारको आर्थिक अवस्था यति कमजोर बनिसकेको छ कि उपचार जारी राख्न समेत कठिन भइरहेको छ।

यो अवस्थामा उहाँलाई औषधि मात्रै होइन—हाम्रो साथ, हाम्रो माया, र हाम्रो सानो सहयोग अत्यन्त आवश्यक छ।
तपाईंको सानो सहयोगले एउटा परिवारलाई टुट्नबाट जोगाउन सक्छ, एक बाबुलाई फेरि आफ्ना सन्तानसँग हाँस्न सक्ने बनाउँछ, र एक जीवनलाई नयाँ सुरुवात दिन सक्छ।

यो पनि पढ्नुहोस